+389 78 385 571 info@lgbtunited.org

Amen sijem numa jekh kupa bibahtale čhave. Čhave so o tromalipe rodena ko phurano kurko rakjate, kana sarine hazirikerena pes baši jektodi.

Amen sijem numa jekh kupa bibahtale čhave, čhave save so na arakhle than ko amalipe, te oven  kotor sasoitnipastar.

Amen sijem numa jekh kupa bibahtale čhave save so dikjovena thaj kerena diso javereder averendar, thaj vakergem kaj o uravipe na kerela e manuše, adava kerela o ruhi. 

Amen sijem numa jekh kupa bibahtale čhave, со различни и ризични погледи кон животот, барем така не доживуваат. 

Amen sijem numa jekh kupa bibahtale čhave save i baht arakhena garavde maškar štar duvarija, vareko ma te dikhel amen, ma te adalatkerel amen, thaj amen korkore džanaja te adalatkera amen.

Amen sijem numa jekh kupa bibahtale čhave adalakerde korkore amendar, korkore amencar. Upral korkori amenda ka mara e majdukhavde khuviba upral e ratvarkerde thana save so garavasa sine, sa džikote na učharela amen i kali phuv… 

Amen sijem numa jekh kupa bibahtale čhave save so na džanena sine sar te dživdinen javereder thaj hor an amende hošinasa bihaljovipe korkore amencar thaj kerasa domino kuble thaj vazdaja kula kartendar kolate dživdinena e princeze paramisendar so šunaja sine sar tikne čhavore… Thaj pheravaja olen kana e hormonija ka vazden pes mangindoj te arakhen o kotor so našavgem korkori amendar… 

Amen sijem numa jekh kupa bibahtale čhave save si ko tumare jakha nasvale, džikote dukhavdes marena ko per savo so dengja tume čuči te šaj oleste te pheraven tumaro seme… Masturbirinena ko tikne beršeskere čhaja khetane e phureder kakoncar thaj sikavne e siklencar. Nesavo akterinela te dopherel tumare fantazije, vareko hošinela o astarina te susljarel tumare sostenja… thaj mange si sajekh. 

Amen sijem numa jekh kupa bibahtale čhave ko sasoitnipe kote si okej te garave o familijakoro bibahtalipe, baši zorasar astarde sikle/čhave/, baši psihologikani tortura upral e čhave save so asana vilestar…  Numa, ameni sikavena najesar thaj sijem kali čuma so avili… Džikote nesaave tumendar sijen sikavne, nesave kakoja, a nesave sijem numa jekh kupa bibahtale čhave kolencar barilen thaj… mangena javereder tumendar…

Avtori: Demetra

E gindipa so si vakerde akate si e avtorengere thaj na sikavena o stavija so isi e MCMS thaj e Europakere Unijatar

 I programa Lačho dizutnengoro sasoitnipe: raštralutno finansiribe e civilno organizacijen  realizirinela e Makedonijakoro centari baši maškarthemutni kooperacija (MCMS), Balkaneskiri drakhin baši civilno sasoitnipaskoro buhljaribe (BCSDN) thaj o Centari baši informiribe, kooperacija thaj civilno organizacijengoro buhljaribe Slovenijatar (CNVOS)“

 

„O proekti si finansirimo Europakere Unijatar“