+389 78 385 571 info@lgbtunited.org

Avgofare ko 13 berš, isine man nesave hošipa baš čhavo mle jerijestar… Phučava sine man, si adava normalno ja palem na, sijum sine konfuzno sostar na pendžarava sine nikas javere save so isi asavke hošipa. Mangljum te konsultirinav man nekasaja so ka šaj te haljovel man thaj ka del man dumo thaj ko jekh vakte vi te del man buteder informacije. Majangle geljum ko sikljovnakoro psihologo thaj vakeraja sine baši mle hošipa baš persona mle jerestar. Настана тотална тишина и отфрлање на моите прашања и потреби во моментот, кажуваше дека тоа е привремено и предизвикано од самиот пубертет и дека ќе помине со текот на времето. Khonik na phenela sine khančik, mle phučiba sine čhudime ki rig thaj na leljum palpale/džovapi ko mle but phučiba so ikerava sine ko šero, kana resljum khere, dikljum mle daja ko jakha thaj naštine sine buteder. Thaj vakergjum olake baši mle hošipa so sine man baši o čhavo mle jerestar. Olakiri reakcija na sine sar so adžikerava sine. Mi daj sine konfuzno thaj dikhela sine man persona so sine trans-gender thaj savi so sine maltretirimi javerendar ki diz, kaj si diso nanormalno mancar thaj ma te gindinav buteder baši adava thaj te bistrav, numa naštine soske isine nekobor murša so khelena sine pherjasa mancar sostar ikerava man sar čhajori thaj khamela pes te ovav sar lende sar „murš ‘‘ a na “pederi” asavke džuvlikane terbijatesar. Nakhlja nesavo vakti thaj džanava sine kaj khamela pes majodori te rodav nesaave bukja save so ka den man dumo te nakhavav o stresi thaj te rodav arka mle amalendar/amalkendar. NA sine mange lokheste soske sijum Rom thaj upral adava vi gej, diskriminacija ko majučho niveli, numa ko internet sine jekh khidipe EVROPAKORO KURKO kote so sine dive baši diskusija ki tema Manušikane Hakaja/Čačipa kote so sijum sine thaj odori avgodrom dodžangjum diso buteder baši e manušikane hakaja ko sasoitnipe/them. Ko jekh vakti astargju te phirav ko arija baši anglikani čhib thaj odorig arakhljum manušen save si javereder amare kulturatar thaj sasoitnipastar. Hari po hari, sar so ovava sine aktivneder, uljum hem po phravdo anglal e javera. Haliljum man hari tromaleder/slobodno/ te šaj te kerav lafi baši mle problemija. Uljum pašeder jekhe personasar savi so dengja e džovapija ko mle phučiba thaj olasar khetane keraja sine buti upral mlo personalno thaj psihologikano zuralipe. Khetane akale personasar organizirinaja sine aktivitetija kote so diskutirinaja sine ko turlije teme. Korkore e aktivitetongere organiziribasar sar nakhela sine o vakti uljum zoraleder thaj bareder pakhivasar baši korkori man, sine man but amala/amalinke save so džanena sine kaj sijum Rom thaj gej thaj na sine olen save vi te oven stereotipija mamuj mande baši adava ko sijum thaj so sijum, olenge sijum sine jekh sa e javerencar. Ko momenti sijum ki maškaruni sikljovni ko agoruno berš thaj sijum ko vakti kana na gindinava baši e javerengere komentarija, numa palem gindinava kaj manuš khamela pes te gindinel dujvar angleder te phenel diso baši e javera. Thaj pali sa so nakhljum, na ladžava te phenav kaj sijum Rom thaj gej. Palem ka marav man baši e manušengere hakaja ko sasoitnipe/them thaj na darava te pheravav e stereotipen.

Sar te si, sarine sijem manuša!!

E gindipa so si vakerde akate si e avtorengere thaj na sikavena o stavija so isi e MCMS thaj e Europakere Unijatar

 I programa Lačho dizutnengoro sasoitnipe: raštralutno finansiribe e civilno organizacijen  realizirinela e Makedonijakoro centari baši maškarthemutni kooperacija (MCMS), Balkaneskiri drakhin baši civilno sasoitnipaskoro buhljaribe (BCSDN) thaj o Centari baši informiribe, kooperacija thaj civilno organizacijengoro buhljaribe Slovenijatar (CNVOS)“

 

„O proekti si finansirimo Europakere Unijatar“