+389 78 385 571 info@lgbtunited.org

Кажувајќи им на луѓето за вашата сексуална ориентација или родов идентитет се нарекува аутирање.  Аутирањето не е нужно еднократен настан – луѓето од лезбејка, геј, би и транс (ЛГБТ) можеби ќе треба да излезат многу пати во текот на животот. Исто така аутирањето е многу индивидуално и луѓето може да се соочат со различни предизвици кога ќе решат да го сторат тоа.

Нема никаков пишан или прецизен начин за тоа како да се аутирате. Можеби  се чувствувате удобно да бидете отворени за вашата сексуална ориентација и родов идентитет со некои луѓе, но не со други. Аутирањето може да биде тешко и  за тоа е потребна многу голема храброст. Реакциите за некој што ќе аутира може да варираат од многу позитивни до апсолутно на добредојдени. Откако ќе донесете одлука да им кажете на луѓето, најбитно што треба да размислите е тоа, како,на кој начин ќе им кажете, кој е најсоодветен момент иако реално не постои добар момент за  тоа.

Зошто да се аутираме?

Без разлика дали сте се согласиле со вашата сексуална ориентација или родовиот идентитет, или сè уште размислувате за  тоа, може да биде тешко да се справите со тоа самостојно. Можеби ќе дојдете до точка каде што треба да разговарате за тоа со некого, да добиете поддршка или едноставно да ја симнете таа тежина  од градите. Константно да се крие кој си од други луѓе честопати значи дека лажеш и се преправаш посебно кога тоа е веќе очигледно сите го знаат само што не го слушнале од вас. Затоа треба да размислите дали криењето е повеќе  или помалку стресно отколку да сте отворени за тоа.

Не се чувствувајте под притисок да излезете – одвојте време. Само вие ќе знаете кога ќе се чувствувате удобно и подготвени да  го сторите тоа.

Ако одлучите да излезете, но не сте сигурни како другите би можеле да реагираат, прво би можеле да размислите да остварите контакт со група за поддршка. Постои  помош и групи за поддршка во заедницата и здруженијата кои се занимаваат со ова прашање низ целата земја чија што цел е токму да ве поддржат и советуваат.

Што ќе кажат моите пријатели?

Повеќето луѓе се грижат за тоа како ќе реагираат нивните пријатели кога ќе се аутираат. Вашите пријатели може да бидат изненадени може  да имаат многу прашања, може нема да знаат што да кажат или можеби веќе претпоставувале но чекале на вас, вие да им го соопштите тоа кога ќе бидете спремни.  За почеток ете пример, изберете пријател во кој верувате и кој што го сметате дека ќе ви биде поддршка. 

 

Ако еден пријател реагира лошо, запомнете дека можеби ќе треба само некое време за да го апсорбираат она што сте им го кажале и тоа никако не значи дека сите  ќе реагираат како него и обратно. Иако не можете да предвидите што ќе кажат или ќе направат луѓето во таква ситуација, сепак имајте на ум дека, кога ќе му кажете на некој близок  пријател во кој верувате, шансите тие да бидат среќни ради тоа што сте споделиле нешто толку лично со нив се огромни.

Како да му кажам на моето семејство?

Нема  правилен  или погрешен  начин како и правилно или погрешно време  како тоа да го соопштите пред вашето семејство. Сепак, задолжително е препорачливо  да одвоите време да размислите што сакате да кажете, како тоа ќе го кажете на кого најпрво и кога. Воопшто  не е добра идеја да се аутирате пред семејството при кавга или за време на расправија кога сте многу лути .. Некои луѓе му кажуваат на семејството  лично и директно, други претпочитаат да напишат писмо трети да испратат е-пошта во зависност од тоа кој како се чувствува најпријатно . Вашето семејство секако дека ќе биде шокирано, загрижено и дека на почетокот тоа ќе биде многу тешко за нив и од почеток секако дека ќе треба да им дадете време и ,  сето тоа да им легне. Запомнете, нивната прва реакција не значи дека тие ќе се чувствуваат засекогаш, можеби ќе им треба малку повеќе време за да го процесираат тоа што сте им кажале оти сепак како што и само знаеме оваа тема е многу осетлива посебно кај нас.

Аутирање  на работа

Кај нас е доста рано да се разгледува и ова прашање меѓутоа секако дека и аутирањето на работа е еднакво важно како и аутирањто пред  семејството и пријателите. Чисто како пример од поразвиените земји ќе го спомнеме само тоа дека на пример : Стоунвал знае дека луѓето подобро ќе се изразат кога ќе бидат сами со работодавачот. Ова значи дека е во најдобар интерес на вашиот работодавец  да ве поддржи да бидете отворени и искрени за тоа кои сте и кога сте на работа. Актот за еднаквост 2010 забранува дискриминација и вознемирување врз основа на сексуална ориентација и родов идентитет при вработување . Ова вклучува директна и индиректна  дискриминација, вознемирување и виктимизација и вие сте заштитени во текот на целиот работен однос, од вработување до отпуштање од работа. Дискриминацијата се однесува на рокови и услови, плати, промоции, трансфери, обука и отпуштање од работа.

 

„Мислењата што се изразени овде им припаѓаат на авторите и не ги одразуваат ставовите на МЦМС и ЕУ.“

„ Програмата „Одржливо граѓанско општество: државно финансирање на граѓански организации“ ја спроведува Македонскиот центар за меѓународна соработка (МЦМС), Балканската мрежа за развој на граѓанското општество (БЦСДН) и Центарот за информирање, соработка и развој на граѓанските организации од Словенија (ЦНВОС)“

„Проектот е финансиран од Европската Унија“