+389 78 385 571 info@lgbtunited.org

Kola sijem amen ?

  • LGBT Junajted Tetovo si biradžakiri, bi profiteskiri thaj multietikani organizacija, savi si phutardi baši manuša kota javereder etnikane grupe thaj  religije.
  • E LGBT Junajteted Tetovaki resarin si arakhibe/protektiribe, promoviribe thaj respektiribe upral e manušikane hakaja, majangle vaš e manuša kotar LGBT, jekhutno avibe dži ki sasatipaskiri sama, sar vi deibe javera socijalno thaj kanuneskere servisija, kolencar garantirinela pes o jekhipe, leindoj akte vi e LGBT manušen ko sa e sfere kotar o dživdipe trujal keribe lačhi thaj tolerentno atmosfera so lela a n peste o javeripe thaj o tromalipe.

Ko akava konteksti, e LGBT Junajted Tetova-kere resarina si:

Zuraribe maškar i LGBT komuniteta;

  • Implementiribe thaj lejbe sa e hakajen so preperena e manučenge so si kotor katar e LGBT khetanipe thaj maripe mamuj i diskriminacija kerdi upral funda kotar i seksiualno orientacija thaj identiteti;
  • Samakoro vazdipe baši e LGBT manušengere hakaja sar vi baše manušikane hakaja;
  • Reprezentiribe thaj lobiripe baši e LGBT manuša resarinasar te pharuven pes e akanutne kanunija (i legislativa);
  • Lačheder seksualno sastipa trujal preventiva kotar o HIV/SIDA thaj e javera seksualno nasvalipa maškar e LGBT populacija.

Misija

  • Amari misija si te arakha/protektirina, sikavdes te das dumo thaj te promovirina e LGBT manušengere hakajen ki Makedonija trujal sigurpe ko jekha-jekh avibe dži kosastipaskere, socijalno thaj legalno servisija, leindoj akate vi lejbe than ko sa e procesija ko them, sar thaj ikeribe dži ko maškaripe kote so o jekhipe, tromalipe, i etika, o integriteti thaj o javeripa bajrona dureder.

Vizija

  • I LGBT Junajted Tetovo si korkorutni/biathinali thaj biprofiteskiri organizacija baše e LGBT manuša ki Makedonija, olengere familije, amala thaj pašutne manuša save so aktivno kerena buti upral e LGBT popilacijakiri inkluzija ko sa e sfere kotar o sasoitinipe/them..
Moljaripa/Kučipa

Amen e theme dikhaja sar grupa kotar e tromale individualcija, jekha-jekh, kolen so isi responsibiliteta thaj si barikane baši olengere hakaja thaj baripe. Amen o tromalipe dikhasa sar majagoruni resarin/cilo sarinenge.

Javeripe thaj jekhipe

Amen zurale pakjasa kaj o javeripa si majbaro pozitivno faktori baši o maškaripe kote so amen kerasa buti. Amen dasa respekti baši sa e manuša, bizi te dikhel pes olengiri rasa, si murša ja palem džuvlja, socijalno palpalipe, religija, etniciteti thaj edukacija, sar thaj seksualno orientacija thaj olengoro seksualno identiteti.

Transparencija

Amen sijem phutarde thaj transparentno ko amare aktivitetija thaj politike. Amen bajrarkerasa amen upral i funda te ova transparentno organizacija phutardi baši kooperacija, thaj ko jekh vakti te keras komunikacija sarinencar thaj sa e hemime rigencar.

Legaripe

Amen, amari rola dikhasa sar jekh legarutni thaj inspiracijakiri misija ko anibe jekhipe saarinenge, specijalno e manušenge kotar LGBT. Sa amare gende thaj manuša so legarena amen si respektirime thaj pakhivale manuša.

Pakjaibe/Pakhiv

Amen sijem lačho haing baši e LGBT manuša thaj pakhivalo partneri ko publikano dejbe dumo, sar thaj promoviribe ko lengere hakaja/čačipena. Amen keraja kilima baši tolerancija, integriteti, lačhipe thaj profesionalizmo.